अंतराळ प्रवासात भारताचा ऐतिहासिक टप्पा!
भारतीय अंतराळवीर शुभांशू शुक्ला अमेरिकेच्या फ्लॉरिडामधून नासाच्या ‘फॉल्कन ९’ रॉकेटद्वारे ‘स्पेसएक्स’च्या ड्रॅगन कॅप्सूलने ‘ऍक्सिओम-४’ मोहिमेअंतर्गत आंतरराष्ट्रीय अंतराळ स्थानकात दाखल झाले आहेत. भारतीय वेळेनुसार २५ जून रोजी दुपारी १२ वाजता त्यांनी उड्डाण केले आणि २८ तासांनंतर स्थानकाजवळ पोहोचले.
🔬 १४ दिवसांचा मुक्काम, ७ वैज्ञानिक प्रयोग
शुक्ला येत्या १४ दिवसांत भारतीय शैक्षणिक संस्थांनी तयार केलेल्या ७ जैविक प्रयोगांवर काम करणार आहेत. यामध्ये अंतराळातील मानवी शरीरावर होणारे परिणाम, सूक्ष्म गुरुत्वाकर्षणातील जीवशास्त्रीय अभ्यास आदींचा समावेश आहे.
🛰️ “ही केवळ वैयक्तिक कामगिरी नाही, तर सर्वांचे यश आहे” — शुभांशू शुक्ला
अंतराळ स्थानकात पोहोचण्यापूर्वी फ्लॉरिडामधील नियंत्रण केंद्राशी संवाद साधताना शुक्ला यांनी नम्रपणे सांगितले,
“माझ्या सहकारी अंतराळवीरांसोबत येथे येऊन मी अत्यंत उत्साहित आहे. अंतराळात झोप येणं हे चांगलं लक्षण आहे. मी लहान मुलासारखा शिकत आहे — इथे चालणं, खाणं, सगळं वेगळंच आहे!”
🌍 पृथ्वीचा अविस्मरणीय नजारा
पृथ्वीची दृश्ये पाहून त्यांनी आपल्या भावना व्यक्त करताना म्हटले,
“निळा आणि हिरवा रंग मिसळलेला एक सुंदर चित्रपट कॅनव्हाससारखा दिसतो. सूर्यप्रकाश आणि ताऱ्यांचे तेज अवर्णनीय आहे.”
💧 अवकाशातील जीवनशैलीचा अनुभव
अंतराळात स्ट्रॉने ‘पाऊच’मधून पाणी पिणे, योगासनं करणं, सहकाऱ्यांसोबत विनोद करणं – हे सर्व त्यांनी मजेशीरपणे सांगितले.
“ही एक टीमवर्कची उपलब्धी आहे. तुमच्या पाठिंब्यामुळे हे शक्य झालं!”
