ओडिशातील बालासोर जिल्ह्यात भीषण रेल्वे दुर्घटना Odisha Train Accident घडली आहे. मिळालेल्या माहितीनुसार, हावडा-शालीमार एक्स्प्रेसला बहंगा स्टेशनजवळ शुक्रवारी संध्याकाळी ७.२० वाजता अपघात झाला, त्यात २६१ जणांचा मृत्यू झाला. ओडिशात, कोरोमंडल एक्सप्रेस (१२८४१-अप) ला शुक्रवारी संध्याकाळी बालासोर जिल्ह्यातील बहनगा स्टेशनपासून दोन किमी अंतरावर असलेल्या पानपानाजवळ अपघात झाला. मिळालेल्या माहितीनुसार, ओडिशामध्ये तीन गाड्यांचा अपघात झाला आहे. या अपघातात 261 जणांचा मृत्यू झाला.
सध्या मदत आणि बचावकार्य सुरू आहे. बालासोर येथे झालेल्या भीषण अपघातानंतर पंतप्रधान नरेंद्र मोदी स्वतः ओडिशात येत आहेत. मिळालेल्या माहितीनुसार, पंतप्रधान अपघातस्थळी जाणार आहेत. यानंतर ते बालेश्वर सदर रुग्णालय आणि कटक एससीबी मेडिकल कॉलेजलाही भेट देतील. केंद्रीय रेल्वे मंत्री अश्विनी वैष्णव आणि ओडिशाचे मुख्यमंत्री नवीन पटनायक हेही शनिवारी सकाळी अपघातस्थळी पोहोचले. रेल्वे मंत्री म्हणाले की, रेल्वे, एनडीआरएफ, एसडीआरएफची टीम बचाव कार्यात गुंतलेली आहे. सध्या आमचे लक्ष बचाव कार्यावर आहे. मदत आणि बचाव कार्य संपल्यानंतरच जीर्णोद्धाराचे काम सुरू केले जाईल. जीर्णोद्धारासाठी मशीन्स आधीच तैनात आहेत.
कोरोमंडल एक्स्प्रेसची बंगळुरू-हावडा एक्स्प्रेसला टक्कर झाली. खरगपूर डीआरएम यांनी याला दुजोरा दिला आहे. तत्पूर्वी, कोरोमंडल एक्स्प्रेस रुळावरून घसरली, त्यामुळे बेंगळुरू हावडा एक्स्प्रेसची टक्कर झाली. या अपघातात दोन्ही गाड्यांचे 12 डबे रुळावरून घसरले. पंतप्रधान नरेंद्र मोदी यांनी या अपघातावर शोक व्यक्त केला आहे. पश्चिम बंगालच्या मुख्यमंत्री ममता बॅनर्जीही शनिवारी अपघातस्थळी पोहोचल्या. या ट्रेनमध्ये टक्करविरोधी यंत्र नसल्याचे त्यांनी सांगितले. तो तिथे असता तर हा अपघात झाला नसता. या दुर्घटनेत मृत्युमुखी पडलेल्या आमच्या राज्यातील लोकांच्या कुटुंबीयांना आम्ही प्रत्येकी पाच लाख रुपये देणार आहोत.
