मुंबई – व्यावसायिक मुकेश अंबानी आणि समाजसेविका नीता अंबानी यांचा धाकटा मुलगा अनंत अंबानी, उद्योजक विरेन मर्चंट आणि व्यवसायिका शैला मर्चंट यांची मुलगी राधिका मर्चंटसोबत जुलै महिन्यात विवाहबद्ध होणार आहे. लग्नाआधी, अब्जाधीश व्यावसायिक मुकेश अंबानी, त्यांचा मुलगा अनंत अंबानी आणि भावी सून राधिका मर्चंट यांनी महाराष्ट्राचे मुख्यमंत्री एकनाथ शिंदे यांना भेटून विवाहाचे निमंत्रण दिल्याचा व्हिडिओ सोशल मीडियावर पोस्ट करण्यात आला आहे.
“रिलायन्स इंडस्ट्रीजचे अध्यक्ष मुकेश अंबानी, त्यांचा मुलगा अनंत अंबानी आणि राधिका मर्चंट यांनी महाराष्ट्राचे मुख्यमंत्री एकनाथ शिंदे यांना भेटून १२ जुलै रोजी होणाऱ्या अनंत अंबानी आणि राधिका मर्चंट यांच्या लग्नाचे निमंत्रण दिले,” असे एएनआयने व्हिडिओ पोस्ट करताना लिहिले. या व्हिडिओमध्ये मुख्यमंत्री एकनाथ शिंदे मुकेश अंबानींना फुलांचा गुच्छ देताना दिसत आहेत. व्हिडिओ पुढे जात असताना अनंत आणि राधिका त्यांच्याबरोबर फोटोसाठी पोझ देताना दिसत आहेत.
