IPL 2025 अनिश्चित काळासाठी स्थगित; भारत-पाकिस्तान संघर्षाचा परिणाम
भारत आणि पाकिस्तानमधील वाढत्या लष्करी तणावाच्या पार्श्वभूमीवर, बीसीसीआयने (BCCI) IPL 2025 स्पर्धा अनिश्चित काळासाठी स्थगित करण्याचा निर्णय घेतला आहे. सध्या सुरू असलेल्या या स्पर्धेतील उर्वरित 16 सामने पुढे ढकलण्यात आले असून, त्यांची नवीन वेळापत्रक अद्याप जाहीर करण्यात आलेली नाही.
मिळालेल्या माहितीनुसार एका आठवड्यासाठी ipl २०२५ स्थगित केली आहे. नवीन वेळापत्रक लवकरच जाहीर करण्यात येईल.
धर्मशालामध्ये पंजाब किंग्स आणि दिल्ली कॅपिटल्स यांच्यातील सामना ड्रोन हल्ल्यामुळे मध्येच थांबवावा लागला होता. त्यानंतर, भारत आणि पाकिस्तानमधील वाढत्या संघर्षामुळे परदेशी खेळाडूंच्या सुरक्षेचा प्रश्न निर्माण झाला आहे. या पार्श्वभूमीवर, बीसीसीआयने IPL स्पर्धा तात्पुरती स्थगित करण्याचा निर्णय घेतला आहे.
या निर्णयामुळे क्रिकेटप्रेमींमध्ये निराशा पसरली आहे, परंतु खेळाडूंच्या सुरक्षेला प्राधान्य देणे आवश्यक असल्याचे बीसीसीआयने स्पष्ट केले आहे. आगामी काळात परिस्थिती स्थिर झाल्यानंतर स्पर्धेच्या उर्वरित सामन्यांचे आयोजन करण्यात येईल.
