भारतीय अंतराळवीर ग्रुप कॅप्टन शुभांशू शुक्ला आणि अॅक्सिओम-४ मोहिमेतील इतर तीन सदस्यांचा परतीचा प्रवास येत्या १४ जुलै २०२५ रोजी सुरू होणार असल्याची माहिती नासाने अधिकृतपणे दिली आहे. हे यान कॅलिफोर्नियाच्या किनाऱ्याजवळील पॅसिफिक महासागरात सुरक्षितपणे उतरवण्यात येणार आहे.
ग्रुप कॅप्टन शुक्ला हे सध्या १४ दिवसांच्या अंतराळ मोहिमेसाठी आंतरराष्ट्रीय अंतराळ स्थानकात कार्यरत आहेत. त्यांनी या मोहिमेदरम्यान भारतासाठी सात वैज्ञानिक प्रयोग पूर्ण केले, ज्यामुळे भारताच्या भविष्यातील गगनयान मानवी अंतराळ मोहिमेसाठी महत्त्वपूर्ण पाऊल उचलले गेले आहे.
ते अंतरराष्ट्रीय अंतराळ स्थानकाला भेट देणारे पहिले भारतीय एअर फोर्स अधिकारी ठरले असून, अवकाश मोहिमेत सहभागी होणारे दुसरे भारतीय अंतराळवीर आहेत. यापूर्वी राकेश शर्मा यांनी १९८४ मध्ये सोवियत यानातून अवकाशात प्रवास केला होता.
अॅक्सिओम-४ मोहिमेला ‘आकाशगंगा’ हे नाव देण्यात आले आहे, आणि ही मोहीम भारताच्या अंतराळ संशोधन इतिहासात एक नवीन अध्याय लिहित आहे. शुभांशू शुक्ला यांचे योगदान भारतीय वैज्ञानिक समुदायासाठी प्रेरणादायी ठरले आहे.
