महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांनी फेब्रुवारी-मार्च 2026 मध्ये घेतलेल्या उच्च माध्यमिक प्रमाणपत्र (इयत्ता १२वी) परीक्षेच्या निकालाबाबत महत्त्वाची घोषणा केली आहे. विद्यार्थ्यांचा निकाल अधिकृत वेळेनुसार ऑनलाइन पद्धतीने जाहीर करण्यात येणार आहे.
निकाल जाहीर होण्याची वेळ आणि पद्धत
मंडळाने दिलेल्या माहितीनुसार, १२वीचा निकाल शनिवार, २ मे 2026 रोजी दुपारी १:०० वाजता ऑनलाइन जाहीर केला जाईल. राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या विभागीय मंडळांतील सर्व विद्यार्थ्यांना निकाल पाहता येणार आहे.
निकाल पाहण्यासाठी अधिकृत वेबसाइट्स
विद्यार्थी खालील संकेतस्थळांवर जाऊन आपला निकाल पाहू शकतात:
https://results.digilocker.gov.in
https://mahahsscboard.in
https://hscresult.mkcl.org
https://results.targetpublications.org
https://results.navneet.com
https://www.tv9marathi.com
https://education.indianexpress.com/boards-exam/maharashtra-hsc-12-results
DigiLocker वर डिजिटल गुणपत्रिका
निकाल जाहीर झाल्यानंतर विद्यार्थ्यांना त्यांच्या गुणांची माहिती ऑनलाइन मिळेल. तसेच DigiLocker अॅपमध्ये डिजिटल गुणपत्रिका (मार्कशीट) साठवून ठेवण्याची सुविधा उपलब्ध असेल. ही डिजिटल प्रत भविष्यात उपयोगी पडू शकते.
कॉलेज लॉगिनद्वारे माहिती
महाविद्यालयांनाही त्यांच्या विद्यार्थ्यांचे निकाल अधिकृत संकेतस्थळावर ‘इन कॉलेज लॉगिन’ पर्यायातून पाहता येतील.
पुनर्मूल्यांकन आणि उत्तरपत्रिका छायाप्रती
निकालानंतर विद्यार्थ्यांना त्यांच्या गुणांबाबत शंका असल्यास पुनर्मूल्यांकनासाठी अर्ज करता येणार आहे. त्यासाठी ऑनलाइन पद्धतीने अर्ज करावा लागेल. तसेच उत्तरपत्रिकेची छायाप्रती (फोटो कॉपी) मिळवण्यासाठी देखील अर्ज करण्याची सुविधा उपलब्ध असेल.
