मीडिया रिपोर्ट्सनुसार, ‘द केरळ स्टोरी’ The Kerala Story हा भारतातील 2023 मधील सर्वोत्कृष्ट ओपनिंग चित्रपट ठरला आहे. 5 मे 2023 रोजी रिलीज झालेल्या या चित्रपटाचे पहिल्या दिवसाचे कलेक्शन 7.50 कोटी ते 8 कोटी रुपये होते. या चित्रपटाने शहजादा आणि सेल्फी सारख्या ओपनिंग चित्रपटांना खूप मागे सोडले आहे. ‘द कश्मीर फाइल्स’चा ओपनिंग डे कलेक्शन ‘द केरळ स्टोरी’च्या तुलनेत खूपच कमी होता. त्यानंतर देशभरात 630 स्क्रीन्सवर लॉन्च केल्यानंतर, ‘द काश्मीर फाइल्स’ ने पहिल्या दिवशी 3.55 कोटी रुपयांची कमाई केली, जी ‘द केरळ स्टोरी’च्या निम्म्याहून कमी आहे.
दरम्यान मध्य प्रदेश सरकारने ‘द केरळ स्टोरी’ हा लव्ह जिहादवर आधारित चित्रपट राज्यात करमुक्त केला आहे. मुख्यमंत्री शिवराज सिंह चौहान यांनी हा चित्रपट दहशतवादाचे सत्य सांगणारा चित्रपट असल्याचे म्हटले आहे.
वाराणसीतील ऋषी आणि संतांनी ‘द केरळ स्टोरी’ हा चित्रपट पाहिला आणि इतरांनाही चित्रपट पाहण्याचे आवाहन केले. यावेळी साधूंनी या चित्रपटाचे वर्णन सध्याच्या सत्य परिस्थितीवर बनवलेला चित्रपट असल्याचे सांगितले. संतांनी केरळ उच्च न्यायालयाने चित्रपटावर बंदी घालण्याची मागणी करणाऱ्यांची याचिका फेटाळल्याबद्दल आनंद व्यक्त केला.
